Mae CollegesWales International yn ran o GolegauCymru. Mae ganddo orwelion eang. Dechreua bywyd yn Ewrop ynghyd ag ymhellach i ffwrdd yn Tsieina. Ei bwrpas yw cynnig mwy o gyfleoedd i ddysgwyr yng Nghymru ac i godi ei dyheadau. Rydyn ni'n byw mewn economi fyd-eang. Mae angen cyfleoedd ar ddysgwyr Cymru i'w helpu i ddod o hyd i'w lle yn y byd.

Y gwledydd Ewropeaidd cyntaf i gael profiad o CollegesWales International yw Sbaen a’r Eidal. Trefnir lleoliadau gwaith o ddwy neu dair wythnos gyda chyflogwyr yn Ewrop i brentisiaid o Gymru. Mae’n gweithio gyda chyflogwyr yng Nghymru hefyd i leoli myfyrwyr o Ewrop mewn gweithleoedd fan hyn.

Ymhellach i ffwrdd yn Tsieina, roedd myfyrwyr coleg a staff o Gymru dan gyfaredd ar eu hymweliad cyntaf â Chongqing, Tsieina ym mis Mawrth eleni lle cymerasant ran yng Nghyfnewid Sgiliau cyntaf Tsieina-Cymru. Ers hynny, mae’r momentwm i gadarnhau’r berthynas gyda cholegau Tsieina wedi mynd o nerth i nerth.

Am fanylion ar weithgareddau CollegesWales International, ewch at:

Tsieina 

India

Yn ogystal, mae CollegesWales (UK) International yn cefnogi colegau i archwilio ystod o gyfleoedd rhyngwladol ar draws nifer o wledydd a chyfandiroedd.  Yn enwedig, bu sawl ymweliad ag India dros y flwyddyn ddiwethaf, ac mae gan y colegau nawr y cyfle i wneud cais am nawdd i ddatblygu ymhellach cysylltiadau ag India drwy yr UK India Education and Research Initiative (UKIERI).