Hyfforddi Aseswyr Cymheiriaid

Gan ymateb i'r galw, trefnodd ColegauCymru gyfres arall o sesiynau hyfforddi ar asesu cymheiriaid ym mis Mawrth 2013.  At ei gilydd, bu i 180 o staff addysg bellach, dysgu-seliedig ar waith a sefydliadau addysg uwch fynychu'r digwyddiadau. 

Am sleidiau'r cyflwynwyr, cliciwch yma: Peer Assessor Training: slides

Cynhadledd Dysgu ac Addysgu: Geoff Petty

Ym Mawrth 2012, trefnodd ColegauCymru Gynhadledd Dysgu ac Addysgu, a arweiniwyd gan Geoff Petty. Y prif themau:

• Asesu ffurfiannol
• Strategaethau dysgu gwahaniaethol

Mae cyfres o glipiau fideo o'r digwyddiad ar gael ar sianel YouTube ColegauCymru, gyda phob un o'r clipiau tua 15 munud o hyd.

Grŵp Gwella Ansawdd

Mae codi safonau trwy hunanreoleiddio wedi’i hen sefydlu ym musnes craidd ColegauCymru (ers peilot cychwynnol llwyddiannus yn 2005). Ysgogwyd a goruchwyliwyd y strategaeth yn y lle cyntaf gan y Pwyllgor Sicrhau Ansawdd. Unodd y Pwyllgor gyda’r Pwyllgor Llywio Lleihau Biwrocratiaeth yn 2009, ac yna yn 2012, roedd yn cael ei adnabod fel y Grŵp Gwella Ansawdd.

Pwrpas

Nod y Grŵp yw gweithio gyda sefydliadau partner allweddol i gynnal enw da’r sector fel cyflwynwydd dysgu ansawdd uchel. Bydd hyn yn cael ei gyflawni trwy welliant ansawdd parhaus, meincnodi, dysgu cymheiriad i gymheiriad a rhannu arfer da ar draws y sector AB ac o leihau’r fiwrocratiaeth ddiangen.

Cylch Gwaith

Mae gan y Grŵp Gwella Ansawdd ddwy haen waith allweddol.

Gwella Ansawdd

• bod wrthi’n hyrwyddo ethos cryf o welliant ansawdd parhaus a rhannu arfer da ar draws y sector AB
• ymgysylltu’n gadarnhaol gydag Estyn, yr Adran Addysg a Sgiliau (DfES) ac unrhyw gyrff perthnasol eraill i sicrhau bod arolygiadau a fframweithiau ansawdd yn bodloni anghenion y dysgwr a’r sector
• gwella ansawdd y data ar gyfer rheoli perfformiad a rheoleiddio sy’n hanfodol i enw da’r colegau
• sicrhau bod ansawdd profiad addysgol y dysgwyr a safonau academaidd eu gwobrau’n bodloni ac yn rhagori ar y trothwyon ansawdd a osodwyd gan Estyn a Llywodraeth Cymru
• cymeradwyo a monitro cynnydd rhaglen waith flynyddol sydd wedi’i hanelu at wella ansawdd a lleihau biwrocratiaeth trwy hunanreoleiddio.

Lleihau Biwrocratiaeth

• gweithio gyda DfES, Estyn ac unrhyw gyrff perthnasol eraill i leihau craffu allanol gormodol ac i leihau dyblygu
• gweithio’n agos gyda chyrff rheoleiddio, yn enwedig DfES, wrth sicrhau bod rheoleiddio colegau’n gymesur i’r lefel risg
• gweithio gyda chyrff rheoleiddio ar gynigion ar gyfer arolygiadau newydd, trefniadau archwilio a chasglu data i sicrhau y llunnir fframweithiau rheoleiddio newydd ar sail rhesymeg glir a heb fod hynny er anfantais i’r sector.

Aelodaeth

Mae’r aelodau’n cynnwys staff ColegauCymru, penaethiaid colegau AB a chynrychiolydd o Lywodraeth Cymru, Estyn a Ffederasiwn Hyfforddiant Cenedlaethol Cymru.